ଅର୍ଗସ ବ୍ୟୁରୋ: ଅଶାନ୍ତ ହୋଇପଡିଛି ବାଂଲାଦେଶ । ସରକାରୀ ଚାକିରିରେ ସଂରକ୍ଷଣକୁ ନେଇ ଜଳୁଛି ବାଂଲାଦେଶରେ ନିଆଁ । ବିକ୍ଷୋଭ ବେଳେ ୧୦୫ରୁ ଅଧିକ ମୃତ ହୋଇଥିବାବେଳେ, ହଜାର ହଜାର ପ୍ରଦର୍ଶନକାରୀ ଆହତ ହୋଇଛନ୍ତି। ବାଂଲାଦେଶରେ ସରକାର ବିରୋଧରେ ଛାତ୍ରଙ୍କ ନାରାବାଜି ଦେଖିବାକୁ ମିଳିଛି । ଛାତ୍ରମାନେ ସରକାରୀ ଟିଭି ‘ବିଟିଭି’ ମୁଖ୍ୟାଳୟରେ ନିଆଁ ଲଗାଇ ଦେଇଥିଲେ। କୋଠା ଭିତରେ ଅନେକ ଲୋକ ଫସି ରହିଥିଲେ। ଶତାଧିକ ବିକ୍ଷୋଭକାରୀ କୋଠା ଭିତରକୁ ପ୍ରବେଶ କରିଥିଲେ। ୬୦ଟି ଗାଡ଼ି ଓ ଅନେକ ସ୍ଥାନରେ ନିଆଁ ଲଗାଇ ଦେଇଥିଲେ।
ଅର୍ଗସ ବ୍ୟୁରୋ: ଅଶାନ୍ତ ହୋଇପଡିଛି ବାଂଲାଦେଶ । ସରକାରୀ ଚାକିରିରେ ସଂରକ୍ଷଣକୁ ନେଇ ଜଳୁଛି ବାଂଲାଦେଶରେ ନିଆଁ । ବିକ୍ଷୋଭ ବେଳେ ୧୦୫ରୁ ଅଧିକ ମୃତ ହୋଇଥିବାବେଳେ, ହଜାର ହଜାର ପ୍ରଦର୍ଶନକାରୀ ଆହତ ହୋଇଛନ୍ତି। ବାଂଲାଦେଶରେ ସରକାର ବିରୋଧରେ ଛାତ୍ରଙ୍କ ନାରାବାଜି ଦେଖିବାକୁ ମିଳିଛି । ଛାତ୍ରମାନେ ସରକାରୀ ଟିଭି ‘ବିଟିଭି’ ମୁଖ୍ୟାଳୟରେ ନିଆଁ ଲଗାଇ ଦେଇଥିଲେ। କୋଠା ଭିତରେ ଅନେକ ଲୋକ ଫସି ରହିଥିଲେ। ଶତାଧିକ ବିକ୍ଷୋଭକାରୀ କୋଠା ଭିତରକୁ ପ୍ରବେଶ କରିଥିଲେ। ୬୦ଟି ଗାଡ଼ି ଓ ଅନେକ ସ୍ଥାନରେ ନିଆଁ ଲଗାଇ ଦେଇଥିଲେ।
ବିଟିଭି ସୋସିଆଲ ମିଡିଆ ଲେଖିଛି ଯେ ଏହି ନିଆଁ ବହୁତ ଭୟଙ୍କର ଥିଲା ଏବଂ ଦ୍ରୁତ ଗତିରେ ବ୍ୟାପିଥିଲା । ପରେ ଅଗ୍ନିଶମ ଟିମ୍ ଆସି ନିଆଁ ଲିଭାଇଥିଲା । ସୁରକ୍ଷା ବାହିନୀ ଏବଂ ଛାତ୍ରଛାତ୍ରୀଙ୍କ ମଧ୍ୟରେ ହିଂସା ପରେ ବାଂଲାଦେଶର କର୍ତ୍ତୃପକ୍ଷ ସମଗ୍ର ଦେଶରେ ମୋବାଇଲ ନେଟୱାର୍କ ଏବଂ ଇଣ୍ଟରନେଟ୍ ସେବା ବନ୍ଦ କରିଦେଇଥିଲେ।
୧୭ କୋଟି ଜନସଂଖ୍ୟା ବିଶିଷ୍ଟ ଏହି ଦେଶରେ ପ୍ରାୟ ୩.୨ କୋଟି ଯୁବକ ଚାକିରି କିମ୍ବା ଶିକ୍ଷାରୁ ବଞ୍ଚିତ। ସରକାରୀ ଚାକିରିରେ ଥିବା ସ୍ୱାଧୀନତା ସଂଗ୍ରାମୀଙ୍କ ପରିବାର ପାଇଁ ୩୦ ପ୍ରତିଶତ ସଂରକ୍ଷଣ କୋଟାକୁ ହଟାଯାଉ ବୋଲି ଛାତ୍ରଛାତ୍ରୀମାନେ ଦାବି କରୁଛନ୍ତି।
ମେରିଟ୍ ଆଧାରରେ ଚାକିରି ଦିଆଯାଉ ବୋଲି ଦାବି ହୋଇଛି।ସଂରକ୍ଷଣକୁ ବିରୋଧ କରି ବାଂଲାଦେଶରେ ଯେଉଁ ହିଂସା ଓ ଉତେଜନା ପରିସ୍ଥିତି ଦେଖାଦେଇଛି ତାକୁ ବିଭିନ୍ନ ରାଷ୍ଟ୍ର ସମେତ ମିଳିତ ଜାତିସଂଘ ନିନ୍ଦା କରିଛି । ସାରା ଦେଶରେ ବ୍ୟାପିଥିବା ସାଂଘାତିକ ଅଶାନ୍ତି ପରେ ବାଂଲାଦେଶର ଅଧିକାରୀମାନେ ଦେଶବ୍ୟାପୀ କର୍ଫ୍ୟୁ ଲାଗୁ କରିଛନ୍ତି। ପରିସ୍ଥିତି ନିୟନ୍ତ୍ରଣ କରିବାକୁ ସେନା ନିୟୋଜିତ କରିଛନ୍ତି। ହିଂସା ଥମିବା ପର୍ଯ୍ୟନ୍ତ ସର୍ବାଧିକ ସତର୍କତା ଅବଲମ୍ବନ କରିବା ଓ ଜରୁରୀ କାମ ନଥିଲେ ବାହାରକୁ ନ ବାହାରିବାକୁ ସେଠାରେ ଥିବା ଭାରତୀୟମାନଙ୍କ ପାଇଁ ଭାରତ ସରକାରଙ୍କୁ ପକ୍ଷରୁ ପରାମର୍ଶ ଦିଆଯାଇଛି।