ଅର୍ଗସ ବ୍ୟୁରୋ: '' ମୁଁ ସୁସ୍ଥ ଅଛି । ବୟସଗତ ସମସ୍ୟା ଓ ଚେକ୍ ଅପ୍ ପାଇଁ ମୁଁ ହସ୍ପିଟାଲ ଯାଇଥିଲି । ମୋ ସ୍ୱାସ୍ଥ୍ୟକୁ ନେଇ ନିକଟରେ ଗୁଜବ ପ୍ରକାଶ ପାଇଛି । କିନ୍ତୁ ଏ ସବୁ ଭିତ୍ତିହୀନ । ମୋ ସ୍ୱାସ୍ଥ୍ୟକୁ ନେଇ ଚିନ୍ତା କରିବାର କିଛି ନାହିଁ । ମୁଁ ସୁସ୍ଥ ଅଛି । ସମସ୍ତଙ୍କୁ ଅନୁରୋଧ କରୁଛି ଏଭଳି ଗୁଜକୁ ବିଶ୍ୱାସ କରନ୍ତୁ ନାହିଁ । ''
ଆଜି ସକାଳୁ ବରିଷ୍ଠ ଶିଳ୍ପପତି ରତନ ଟାଟା ଅସୁସ୍ଥ ନେଇ ବିଭିନ୍ନ ଗଣମାଧ୍ୟମରେ ଖବର ପ୍ରକାଶ ପାଇଥିଲା । ତାଙ୍କ ସ୍ୱାସ୍ଥ୍ୟ ବିଗିଡାବରୁ ତାଙ୍କୁ ମୁମ୍ବାଇର ଏକ ହସ୍ପିଟାଲରେ ଆଇସିୟୁରେ ଭର୍ତ୍ତି କରାଯାଇଥିବା ନେଇ ଖବର ପ୍ରକାଶ ପାଇଥିଲା । ତେବେ ଏହି ଖବରକୁ ଖଣ୍ଡନ କରିଛନ୍ତି ଖୋଦ ରତନ ଟାଟା । ସେ ସଂପୂର୍ଣ୍ଣ ସୁସ୍ଥ ଥିବା ନେଇ ସୋସିଆଲ ମିଡିଆରେ ଏକ୍ସରେ ସୂଚନା ଦେଇଛନ୍ତି । ମୋ ପାଇଁ ସମସ୍ତେ ଚିନ୍ତା କରିଥିବାରୁ ଧନ୍ୟବାଦ । କିନ୍ତୁ ମୁଁ ଭଲ ଅଛି । ଏଭଳି ଖବରରୁ ଦୂରେଇ ରହିବାକୁ ଜନସାଧାରଣଙ୍କୁ ଅନୁରୋଧ କରିଛନ୍ତି ରତନ ଟାଟା ।