ଅର୍ଗସ ବ୍ୟୁରୋ : ୧୫ ଦିନରେ ଆନ୍ଧ୍ରର ୮ ଥର ଅନୁପ୍ରବେଶ । ବିଭିନ୍ନ ଆଳ ଦେଖାଇ କାର୍ଯ୍ୟକ୍ରମ କରୁଛନ୍ତି ଆନ୍ଧ୍ର ସରକାର । କୋରାପୁଟ କୋଟିଆରେ ପୁଣି ଆନ୍ଧ୍ରର ଦାଦାଗିରି । ରାଜ୍ୟ ସରକାର ଓ ଜିଲ୍ଲା ପ୍ରଶାସନକୁ ଖୋଲା ଚ୍ୟାଲେଞ୍ଜ । ଅନୁପ୍ରବେଶ କରି ଦଳୀୟ ପ୍ରଚାର କଲେ ଆନ୍ଧ୍ରର ରାଜନୈତିକ ଦଳ । ସୀମାନ୍ତବାସୀଙ୍କୁ ନିଜ ଆଡକୁ ଆକୃଷ୍ଟ କରିବା ସହ YSR କଂଗ୍ରେସକୁ ଭୋଟ ଦେବାକୁ କୁହାଯାଉଛି ।
ପଟ୍ଟାଙ୍ଗି ବ୍ଲକ୍ ଗଞ୍ଜେଇପଦର, ତଳ ଗଞ୍ଜେଇପଦର, ତଳସେମ୍ବିରେ ଦଳ ପକ୍ଷରୁ ବୈଠକ କରାଯାଉଛି । ସାଲୁର ବିଧାୟକଙ୍କ ପ୍ରତିନିଧି ଦାଣ୍ଡି ଶ୍ରୀନୁ, ଜିଲ୍ଲା ପରିଷଦ ସଦସ୍ୟ, କୋଟିଆ ଗଞ୍ଜେଇପଦରର ଆନ୍ଧ୍ର ସରପଞ୍ଚ ଦିବାକାର ଗେମଲି ଓ ଆନ୍ଧ୍ର ତୋନାମର ସରପଞ୍ଚ ବୈଠକରେ ସାମିଲ ହୋଇଥିଲେ । ୨୦୨୪ ନିର୍ବାଚନକୁ ଆଖି ଆଗରେ ରଖି ଆନ୍ଧ୍ରର YSR କଂଗ୍ରେସ କୋଟିଆ ଅଞ୍ଚଳରେ ଜୋରଦାର ପ୍ରଚାର କରୁଛି । ଏପଟେ ଓଡ଼ିଶାର ପ୍ରଶାସନିକ ଅଧିକାରୀ ଓ ଶାସକ ଦଳର ନେତା ସବୁ ଦେଖି ଚୁପ୍ ରହୁଛନ୍ତି ।
