କେନ୍ଦ୍ରାପଡା: ଗାଁଠୁ ସହର ଜମୁଛି ଦୋଳଉତ୍ସବ । ଘର ଘର ବୁଲି ଭୋଗ ଖାଉଛନ୍ତି ଠାକୁରେ । ଦୀର୍ଘ ୬୦୦ଶହ ବର୍ଷର ପରମ୍ପରାକୁ ବହନ କରୁଥିବା କେନ୍ଦ୍ରାପଡ଼ାର କନିକା ରାଜ ମେଳଣ ଖୁବ ଧୁମ୍ ଧାମ୍ ରେ ଚାଲିଛି । ରାଧାକୃଷ୍ଣଙ୍କର ବିଗ୍ରହକୁ ବିଭାନରେ ବସାଇ କାନ୍ଧୁଆମାନେ ମେଳଣ ସ୍ଥଳକୁ ଆଣି ଭୋଗ ଲାଗି କରିବାର ରହିଛି ପରମ୍ପରା । ପାଞ୍ଚ ଦିନ ଧରି ମେଳଣ ଚାଲିବାକୁ ଥିବାବେଳେ ଶେଷ ଦିନରେ କନିକା ରାଜବାଟି ମେଳଣ ଅନୁଷ୍ଠିତ ହେବ ।
କନିକା ଐତିହ୍ୟ ପରମ୍ପରାକୁ ବହନ କରୁଥିବା ଏହି ମେଳଣରେ ସାମିଲ ହୁଅନ୍ତି ହଜାର ହଜାର ଶ୍ରଦ୍ଧାଳୁ ଓ ଭକ୍ତ । ପରମ୍ପରା ଅନୁଯାୟୀ କନିକା ରାଜା ମେଳଣ ସ୍ଥଳକୁ ଆସି ପ୍ରତ୍ୟେକ ବିଭାନ ପାଖରେ ଠାକୁରଙ୍କୁ ଭୋଗଲାଗି କରିଥାନ୍ତି । ଅଧିକ ଭକ୍ତ ଓ ଶ୍ରଦ୍ଧାଳୁ ଏକତ୍ରିତ ହେଉଥିବାରୁ ଆଇନି ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି କେନ୍ଦ୍ରାପଡ଼ା ପୋଲିସ ସହାୟତାରେ ରାଜକନିକା ପୋଲିସ ପକ୍ଷରୁ ବ୍ୟାପକ ପୋଲିସ ମୁତୟନ କରାଯାଏ ।
ବିଶ୍ୱାସ ରହିଛି ଦୋଳବିମାନରେ ରାଧାଗୋବିନ୍ଦଙ୍କୁ ଦର୍ଶନ କଲେ ମୋକ୍ଷପ୍ରାପ୍ତି ହୋଇଥାଏ । ଫାଲଗୁନ ମାସ ଫଗୁ ଦଶମୀ ଠାରୁ ପ୍ରଭୁ ଗୋବିନ୍ଦଙ୍କୁ ଅବିର ଲାଗି କରିବା ଓ ଦୁଆରେ ଚାଚେରି ଭୋଗ ବାଢିବା ବିଧି କାହିଁ କେବେଠୁ ପ୍ରଚଳିତ ହୋଇଆସିଛି । ଏହି ଅବସରରେ ଫଗୁ ଦଶମୀରୁ ଫାଲଗୁନ ପୂର୍ଣ୍ଣିମା ଓ ହୋଲି ପରଦିନ ପର୍ଯ୍ୟନ୍ତ ଗାଁ ଗାଁ ରେ ହରିହର ଭେଟ ବିଧି ମଧ୍ୟ ପାଳିତ ହୋଇଆସୁଛି । ବିଭିନ୍ନ ଗାଁର ଆରାଧ୍ୟ ଦେବତା ମାନେ ଦୋଳବିମାନରେ ଆସି ଗାଁ ମୋଳଣପଡିଆରେ ଏକାଠି ହୋଇ ଅବିର ଲାଗି ହୋଇଥାନ୍ତି । ସତରେ ସୁନ୍ଦ ଆମ ପରମ୍ପରା ସୁନ୍ଦର ଆମ ସଂସ୍କୃତି ।
ଆହୁରି ପଢନ୍ତୁ ଓଡିଶା ଖବର...