ଅର୍ଗସ ବ୍ୟୁରୋ : ପେଟ୍ରୋଲ ଢ଼ାଳି ବିଜେବି କଲେଜ ଛାତ୍ରଙ୍କ ଆତ୍ମହତ୍ୟା ଉଦ୍ୟମ। କଲେଜରେ ବିଭିନ୍ନ ସମସ୍ୟାକୁ ନେଇ ଆତ୍ମହତ୍ୟା ଉଦ୍ୟମ କଲେ ଛାତ୍ର । ଘଟଣାକୁ ନେଇ ବିଜେବି କଲେଜରେ ଉତେଜନା । କଲେଜ ଅଧ୍ୟକ୍ଷାଙ୍କୁ ବିରୋଧ କରି କଲେଜ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ସାଙ୍ଗକୁ ନାରାବାଜି ।
ଛାତ୍ରଛାତ୍ରୀଙ୍କ ଅଭିଯୋଗ, କଲେଜ ଅଧ୍ୟକ୍ଷା କଲେଜର ବିଭିନ୍ନ ପ୍ରକାର ସମସ୍ୟାକୁ ନେଇ ଖାଲି କାଗଜରେ ଦସ୍ତଖତ ନେଉଥିବାବେଳେ ସମସ୍ୟାର ସମାଧାନ କରୁନାହାନ୍ତି ଅଧ୍ୟକ୍ଷା। ଛାତ୍ରଛାତ୍ରୀଙ୍କର ବିଭିନ୍ନ ସମସ୍ୟା ଶୁଣୁ ନାହାଁନ୍ତି ଅଧ୍ୟକ୍ଷା । ଯଦି କେହି ଛାତ୍ରଛାତ୍ରୀ ନିଜର ସମସ୍ୟା ନେଇ ଅଧ୍ୟକ୍ଷଙ୍କ ପାଖକୁ ଯାଉଛନ୍ତି ତେବେ ଅଧ୍ୟକ୍ଷା ଛାତ୍ରଛାତ୍ରୀଙ୍କୁ ଏକ୍ସଫେଲ୍ କରିଦେବା ନେଇ ଧମକ ଦେଉଥିବା ମଧ୍ୟ ଅଭିଯୋଗ ଆଣିଛନ୍ତି ଛାତ୍ରଛାତ୍ରୀ ।
ଅଧିକ ପଢନ୍ତୁ ଓଡ଼ିଶା ଖବର
ସେହିପରି ନୂଆ ଓ ରେ ସ୍କୋଲାର୍ଶ୍ଚିପ୍ ଦିଆ ଯାଉନଥିବ ନେଇ ମଧ୍ୟ ଅଭିଯୋଗ ଆଣିଛନ୍ତି ଛାତ୍ରଛାତ୍ରୀ । ସେପଟେ ଏହି ସବୁ ଅଭିଯୋଗକୁ ମିଥ୍ୟା ବୋଲି କହିଛନ୍ତି ଅଧ୍ୟକ୍ଷା। କିଛି ମୁଷ୍ଟିମୟ ଛାତ୍ରଛାତ୍ରୀ ପିଲାଙ୍କୁ ଉସ୍କେଇ ସେହିଭଳି କରୁଥିବା କହିଛନ୍ତି ଅଧ୍ୟକ୍ଷା।