ନୂଆଦିଲ୍ଲୀ: ପଶ୍ଚିମବଂଗ ଜଲପାଇଗୁଡିରେ ପ୍ରକୃତିର ତାଣ୍ଡବ । ଗତକାଲି କାଳବୈଶାଖି ପ୍ରଭାବରେ ବ୍ୟାପକ କ୍ଷୟକ୍ଷତି ହୋଇଛି । ଶହ ଶହ ଘର ଭାଙ୍ଗି ଯାଇଥିବା ବେଳେ ଅନେକ ଘରର ଛପର ଉଡିଯାଇଛି । ଘୂର୍ଣ୍ଣିଝଡର ପ୍ରଭାବ ଏତେ ଅଧିକ ଥିଲା ଯେ, ଚାହୁଁ ଚାହୁଁ ଅନେକ ଘର ଭାଙ୍ଗିଯାଇଥିଲା । ବର୍ତ୍ତମାନ ସୁଦ୍ଧା ଘୂର୍ଣ୍ଣିଝଡରେ ୫ଜଣଙ୍କ ମୃତ୍ୟୁ ହୋଇଥିବା ବେଳେ ୧୦୦ରୁ ଅଧିକ ଜଣ ଆହତ ହୋଇଛନ୍ତି । ବିଭିନ୍ନ ସ୍ଥାନରେ ଗଛ ଭାଙ୍ଗିଯାଇଛି । ଭଙ୍ଗା ଗଛତଳେ ବାଇକ ପଡି ରହିଥିବା ଦେଖିବାକୁ ମିଳିଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଘଟଣାକୁ ନେଇ ଦୁଃଖ ପ୍ରକାଶ କରିବା ସହ ସରକାରୀ ଅଧିକାରୀଙ୍କ ସହ କଥା ହୋଇଛନ୍ତି । ମୋଦି କହିଛନ୍ତି ପଶ୍ଚିମ ବଙ୍ଗର ସମସ୍ତ ବିଜେପି କର୍ମକର୍ତ୍ତାଙ୍କ ସହ କଥା ହୋଇ ସହାୟତା କରିବା ପାଇଁ ଅପିଲ କରିଛି । ଏଥିସହିତ ପଶ୍ଚିମ ବଙ୍ଗର ରାଜ୍ୟପାଳ ସି ବି ଆନନ୍ଦ ବୋସ ମଧ୍ୟ ପ୍ରଭାବିତ ଅଞ୍ଚଳ ଗସ୍ତରେ ଆଜି ଯିବେ ବୋଲି ସୂଚନା ।
ଅଧିକ ପଢନ୍ତୁ ଭାରତ ଖବର